ليه بقى اهم شىء بالنسبه لنا المظهر ؟

السلام عليكم ورحمه الله وبركاته
اولا ازيكو يااحلى اصحاب

ثانيا بقى فى موضوع بجد خنقنى اووى وكنت لازم افضفض معاكم فيه الا وهو المبالغه فى المظهر والشكل والملبس ياترى ليه بقينا اهم شىء عندنا انت جايب هدومك منين طيب هى الهدوم دى سينييه وماركه ولا بقى لو مكنتش ماركه اووووه تبقى داخل على اصحاابك باللبس ده اللى هو مش ماركه ((من التوحيد والنوريعنى )) يقوللك لالالا انت مش من مستوانا للدرجه دى بقينا نفكر فى الانسان اللى قدامنا بلبسه ومظهره كده وللاسف انا كمان كده بس هحاول اغير من نفسى واى حد كده يااريت ميحكمش على الانسان اللى قدامه بمنظره ولبسه وخااصه اللبس يعنى لازم لازم تكونى لابسه بلوز مثلا ب300 جنيه عشان تبقى محترمه وبنت ناس ولالازم تلبس نظاره من مغربى عشان تبقى شاب استايل وابن ناس يااريت نعيد تفكيرنا فى الموضوع ده لحسن نصحى نلاقى بقى اغلى حاجه فينا هى هدومنا واللى جوه الهدوم دى رخيييص اووى !! ياريت اسمع ارائكم اللى هتبقى زى العسل زيكم

[size=25]

[/size]

اولا مرسى على التوووووووبيك الرائع
بس انا لى راى ممكن يكون مختلف
انا عن نفسى باختار المركات مش علشان اقول
ان ثمن دة كذا ولكن لان المركات بتكون
ثقه
وزى ما بيقولوا الغالى ثمنه فيه
مش اروح اشترى بلوزة مثلا ب 50 جنيه وبعد اول غسله لونها بهت
وكذلك البرفانات
مش استرخص واشترى البرفانات العاديه اللى ممكن تاثر على
جلدى او تعملى حساسيه
او استعمال الكريمات او الميك اب
ذات المركات الغير مشهورة اللى ممكن تؤثر على بشرتى
وتخلينى اصرف فلوس اكتر
يعنى مش كل اللى بشترى الاشياء ذات المركات بيتبهاه
بيها علشان يقول انا لابس مركات

تماااااااااام ياكنزى وانا موافقاكى الراى تمااااما بس انا اقصد الناس اللى بتشترى الماركه عشان المظهر ودى انا بقابلهم كتير يعنى مثلا اووك انا جبت بلوز ماركه كذا مش اروح بقى اعلن عنها فى ميكرفون ولو مثلا حد مش مقتدر اجرح مشاعره بانى اقوله ايه اللبس ده هو ده اللى انا اقصده وميرسييي على اهتمامك الجميال ورايك

نونا كتب:: تماااااااااام ياكنزى وانا موافقاكى الراى تمااااما بس انا اقصد الناس اللى بتشترى الماركه عشان المظهر ودى انا بقابلهم كتير يعنى مثلا اووك انا جبت بلوز ماركه كذا مش اروح بقى اعلن عنها فى ميكرفون ولو مثلا حد مش مقتدر اجرح مشاعره بانى اقوله ايه اللبس ده هو ده اللى انا اقصده وميرسييي على اهتمامك الجميال ورايك

ما انا قلت يا قمر ان مش كلهم

المفروض ان كل انسان يضع هذة المقوله
ويكون مقنع بيها تماما
(علمت ان رزقى لم ياخذة غيرى فأطمئن قلبى)
يعنى كل واحد بياخذ رزقه
يعنى اللى بتعالى بالاشياء دى اكيد عندة نقص فى اشياء تانيه قد تكون عند انسان لا يملك المال لشراء احتياجاته
ولا ايه رايك

تمام رايك ميه ميه طبعا ياكنزى