هعيش حياتي ..اناااااا

مش هقدر انســــــــــــــــاه
ولا هعرف الاقي حد احــبه زيه
انا اللي عملت ف نفسي كده مكنش ينفع اسيبه
ومش هعرف اعيش من غيره طب منموت احسن!
اول منخرج من تجربه ومتكملش بنقول كده ونلوم في نفسنا
هننسى ازاي طول ما الافكار دي في دماغنا
ليه بنضيع في عمرنا بالساهل ضيعنا فتره مع حد لقينا ميستهلناش او مفيش نصيب او او.........
ليه بنضيع وقت كمان في الندم ونوقف حياتنا او نعذب نفسنا ونفتكر كل حاجه بينا وبين اللي بنحبه .
الانسان اسمه انسان عشان ربنا ادينا اكبر نعمه وهي
النسيان كل حاجه بتتنسي دي حاجه كلنا عارفينها بس
التنفيذ بنشوفه صعب رغم ان في ناس كتير بتنسى وتعيش حياتها وتزعل انها ضيعت وقت في الزعل والتفكير.
كل حاجه ممكن تتنسي لو انت فعلا عايز تعمل كده وده مش كلام وخلاص
ده حقيقي وعن تجربه عشان كده انا حبيت اقولكوا كده عشان محدش بيصدق الا لما بيمر بنفس التجربه.


اهم حاجه يا جماعه منديش فرصه لنفسنا في التفكير في الحد اللي كنا بنحبه .


مشاعرنا احنا بس اللي نقدر نتحكم فيها ونوجهها
وجه طاقة الحب اللي جواك للي حوليك سواء كان صاحب (صاحبه) هتلاقي نفسك فعلا .
ومتفكرش في اي حاجه تحسسك بالندم او تضايئك في اللي فات
لو انت اتخلصت من الافكار دي وشغلت نفسك باي حاجه تفرحك حتى لو بسيطه هتقدر تعيش يومك .
انت مش هتضايق غير لما تفكر في حاجه تضايئك مينفعش مثلا حد يقولك مدح او حاجه حلوه وتلاقي نفسك مضايق
ده معناه ان مشاعرك مبتتغيرش لوحدها لازم يكون ليها سبب
لو حطيت ف دماغك اي فكره من الافكار المحبطه طبيعي انك مش هتخرج من الجو ده
ولو فكرت بايجابيه شويه فان اللي حصل ده عشان تتعلم ويلفت نظرك لعيوب جواك مكنتش هتتغير غير لما تتوجع
هتبقى كسبت من التجربه دي مش خسرت وممكن الحاجات اللي اتغيرت فيك دي تهيأك لحد تاني ويبقى حب حقيقي فعلا
وساعتها هتفتكر
"عسى ان تكرهوا شيئا هو خير لكم" ........
واي تجربه بنعدي عليها بتسيب اثر جوانا مبتعديش مرور الكرام وبتاثر في تصرفتنا في المستقبل متخليش اثر اي تجربه يبقى بالسلب عليك متسبش نفسك للتشائم والاحباط وتفقد ثقتك في الناس ....خد التجربه بايجابيه لان انت اللي هتضر او هتستفاد .
حياتك مش هتتغير للاحسن لوحدها لازم انت اللي تسيطر على افكارك


"لا يغير الله قوم حتى يغيروا ما بأنفسهم"
سوري يا جماعه لو طولت عليكم لو حد ليه تعليق انا معاكوا
.........

توبيك روعة
وكفاية انة على اسمى برضة هههههههههه

ميرسي لمروركووووووا ده من زوقكووا نورتوا

ووا