للبنات فقط

موضوعي انهارده ازاي كل واحده فينا تحافظ على جمالها
وبشكل كويس.وبطريقه بسيطه.وبمبلغ زهيد...
نبدأ بالبشره..
لما وحده مننا تحب تكون بيضا بعد ما اسمرت بس بشرط.
انها تكون اصلا بيضا قبل كده واسمرت
تعمل ايه؟ احسن حاجه ليها زيت الوز
تعمل بيه ماسك لمده نص ساعه او اكتر بس مش اقل
ولمده اسبوع تستمر عليه كل يوم.
اما لو وحده سمر وعايزة تبيض شويه..
فهتستخدم فاكهه اسمها الببايا ..
ودي هتلاقيها في اي سوبر ماركت كبير
ممكن زي كارفور
هتجيبي واحد وتحطيها في الخلاط مع شوية عسل .بس.
وتخلي الخليط على بشرتك لمده نص ساعه او اكتر مش اقل وتستمري عليه
لمده شهر بس يوم تحطي ويوم لا...
عشان الببايا ممكن تعمل بعد كده حساسيه؟
بالنسبه للشعر
احسن حاجه للشعر ودي معروفه اوي زيت جوز الهند
للتقصف.والتساقط.وجفاف الشعر..
اما بالنسبه للبنات الي بتحب تسشور شعرها كتير
عشان تخففي ضرر السيشوار او الكوي للشعر
حطي على شعرك شوية كريم عشان يخفف الضرر..
بالنسبه للرموش
بدل ماتروحي تشتري ماسكارا ب 100 او 150 جنيه
عشان تكون ماركه حلوة
انا اخترعت ماركه جديده
هاتي علبه ماسكارا قديمه وهاتي من اي عطار زيت خروع
وغطسي الفرشا بتاعه المسكارا في الزيت
واستعمليها هتلاقيها احسن من المركات ديور وشانيل واكس اكس لارج
بالنسبه للأظافر
لأي واحده بتحب تكون اظافرها طويله.
هندها مشكله.انها بتتكسر!!!
لو بقه عايزه تحافظي على طول اظافرك . تعملي ايه؟!
اكيد كلنا عندنا زيت درة عادي بتاع الطبخ
بس كل المطلوب تحطي اظافرك في لمده نص ساعه
هتلاقيها لانت ومش هتتكسر لأمها مش هتكون جافه...
وكفايه كده عشان مأطولش عليكو..
لو عجبكوا الموضوع هنزل طرق كتيرررررررر وحلوة.

طرق جميله


تسلمى يا قمر