صوره x حدوته .... رفاهيه + متعه =(عبر بموهبتك)ارجو التثبيت

بسم الله الرحمن الرحيم

التوبك ده انا عامله للرفاهيه والمتعه

الواحد فينا لما بيتكتب كلمات بيحس انه اتكلم بلسان قلبه
واحساسه وتفكيره

ببقى فيه متعه لما الواحد بيكتب حاجه والناس تقوله
الله عليك كلماتك تحفه وعجبانى

التوبك ده احنا مش منتظرين منه كلام الناس الحلو
التوبك ده احنا هندخله نتكلم بس بلسان قلبنا
نستمتع احنا بكلماتنا واحساسنا وموهبتنا
هنحكى ونتكلم للمتعه بينا

ممكن يبقى فيها هزار لما يكون الموضوع هزار
وممكن يبقى حب جميل
وممكن يبقى كره وضغينه
وممكن وممكن

التوبك ده عشان نستمتع بيه مش اكتر
ننزل كلماتنا هنا عشان نبين موهبتنا بس

فكره التوبك يمكن جديده وقديمه
ازاى

كنا دايما بنجيب صوره ونتكلم عليها وتبقى فى شكل مسابقه
لكن المره دى هنجيب صوره ونتكلم عليها

من غير مسابقه زى ما قولتلكوا للمتعه والترفيه ولاثبات موهبتنا بجد

كده انا قولت الفكره واظن انها واضحه مش محتاجه حاجه

هتدخل هنا تعبر عن موهبتك وفنك
وتستمتع بكلماتك وكلمات الناس اللى معاك
نقول المنتدى هنا مليان ناس جميله وبجد
بتقدر تعبر عن اللى جواك

يلا نشوف اول صوره
[ندعوك للتسجيل في المنتدى أو التعريف بنفسك لمعاينة هذا الرابط]

وانا هضيف اول تعليق وياريت الكل يدخل معنا ويشارك
.................................................................
علي شجره سندت راسي
بفكر في اللي ناسي
معقوله هو اسي
مع انه اهلي وكل ناسي

في عيوني خوف عليه
ودمعه مداريا
هستناه يمسحها بايديه
مش همسحها بايديا

مش عاوزه اكبر عن سني
وليه بس هغني
ده حبيبي وحته مني
وعمره ما يظلمني

علي الشجره مكتوب حرفين
لاسم اتنين حبيبين
حبيبي راح علي فين
طب ممكن ارحوله منين

هيغيب عني سنين
حاباه شايلاه في العين
في قلبي انا ليه حنين
وهكبر معاه سنيني الجايين

غرقانه في حبي ليه
وهعيش العمر بيه
مش هتنازل عن عنيه
ومش عايزه حاجه بعديه

يارب متحرمنيش
اني افضل جمبه واعيش
ده غيره والله ماليش
وحبه ميتنسيش

فناااااااااااااااااااااان والله وفكره جميله وان شاء الله هشارك استنانى ياعمنا رجعااالك

اوك مستنى وياريت الكل يشارك عشان نغير الصورة ونشوف كلام الاعضاء معنا

لمحتك فى مخيلتى

فشعرت بالوحشه بدونك

فانا كالعصفور لااشعر بالامان الا فى غصونك

فاجعلنى مليكه قلبك وقصورك

ولكنى المس نظره خوف فى عيونك

فلم الخوف وانا معك

اتامل سحرك واعشق صمت جفونك

فلا تعذبنى وتجعلنى مجنونك

فانا من خلقت لكى اكون محبوبك

انا حسيت بالصوره كده ياريت الكل يشارك ويعبر عن الصوره بالكلمات الجميله لان بجد التوبيك ده مميز جدا

الله عليكى يانونا يافنان تسلم ايدك
كلام روعة جدا ومستنى بقى الاعضاء واللى عاوز ينزل صورة تانية ويتكلم على اللى حاسة بيها ينزل عاوزين الكل يشارك بحسااسة معنا ويطلع اللى جواة

وانا جاى بصورة جديدة وياررررررررررررررررررررررريت الكل يشارك

[ندعوك للتسجيل في المنتدى أو التعريف بنفسك لمعاينة هذا الرابط]

وانا هكتب تعليق على الصورة ياريت الكل يدخل معنا
.............................
بص البراء اللي في عنيها
دي بتحكي لنا عن موال لعبتها
و بتقولنا قصص حكتها لعروستها
و هي نايمة بين ايديها و في حضنها
بتحكي لنا عن شقاوة برائتها
و حبها البرئي اللي زيها

كأنها بتقول ليتكوا كلكوا اطفال
و مافيش في قلوبكوا للكره اي احتمال
ليت الدنيا كلها بس شقاوة اطفال
و ماكنش للحزن في الزمن اي موال

» سجل دخولك على المنتدى بصلاة على النبى (ارجو التثبيت ).
» سجل خروجك من المنتدى بصلاة على النبى (ارجو التثبيت).
» سجل حضورك بكتابة اسم من اسما الله ارجو التثبيت
» سجل حضورك اليومى بغرس نخله فى الجنه (ارجو التثبيت)
» ابدا يومك بقول السلام عليكم ارجو التثبيت