ازاى تعرف انك بتتفرج على الدورى المصري؟؟

1/لما ما تشوفش اول 3 دقايق من المبارة علشان الاعلانات يبقى اكيد انت بتتفرج على الدوري المصري



2/لما تلاقي اللاعب واقع على ارضيه الملعب وحيموت من الألم ولما تيجي عربية الاسعاف يقوم زي الحصان يبقى اكيد انت بتتفرج على الدوري المصري



3/ لما تشوف اللعيب طوال المبارة بيمسح مناخيروا بالفانيله يبقى اكيد انت بتتفرج على الدوري المصري



4/لما تلاقي انه المعلق عرف خطه اللعب من اول 5 دقايق من المتش يبقى اكيد انت بتتفرج على الدوري المصري



5/لما تشوف كابتن فريق ولاعب كبير بيشتم العيال إلي بتجيب الكورة يبقى اكيد انت بتتفرج على الدوري المصري



6/لما يختفي صوت المعلق فجأه بسبب انه الجمهور عمال يشتم يبقى اكيد انت بتتفرج على الدوري المصري



7/لما تلاقي المخرج مهتم بإعادة كورة عشرين مرة و بيتجاهل الفريق اللي بيلعب قدام الأهلي او الزمالك و الهجمة مع الفريق اللي بيلاعب الأهلي او الزمالك و فجأة تلاقي لعيبة الأهلي او الزمالك الكورة في رجليهم و رايحين الجون و كأنهم بيلعبوا لوحدهم و لما يركز علي مدرب و لا لاعب 100 مرة و سايب المتفرجين يتحرق دمهم يبقى انتا اكيد بتتفرج على الدورى المصري



8/لما تلاقي العديد من اللاعبين يعتزلوا دوليا مع منتخبات بلادهم ويواصلوا اللعب مع أنديتهم ولكن عمرو زكي بات أول لاعب في تاريخ كرة القدم يعلن اعتزاله مع ناديه ويواصل اللعب مع المنتخب يبقى انتا كدا بتتفرج على الدورى المصري



9/ لما تلاقي الزمالك بيوقف شيكابالا شهرا الطريف أن الزمالك خلال الشهر ده سيخوض مباراتين فقط ولن يلعب شيكابالا في أي منهم بسبب ايقافه 3 مباريات من اتحاد الكرة لا .. فعلا عقوبة صارمة جداً ويبقى انتا كدا بتتفرج على الدورى المصري



10/الأهلي والزمالك والإسماعيلي وإنبي يحددوا مواعيد مبارياتهم الأفريقية في السابعة مساء يوم الأحد 18 مارس 2007
على رأي عادل إمام .. "إنتوا سايبين الشقة كلها وقاعدين في أوضه؟" يبقى انتا كدا بتتفرج على الدورى المصري




11/ لما تلاقى المخرج سايب هجمه خطيره فى الماتش والناس على اعصابها ومركز بالكاميرا على البنات فى المدرجات يبقى انتا كدا بتفرج على الدورى المصري




12/ لما تلاقي محمد عبد المنصف في مباراة إنبي لابس قميص منتخب اسبانيا عليه اسم الحارس سانتياجو كانيزاريس!
يظهر تشابه اسماء


ويبقى انتا اكيد فى مصر.

بجد هو دة الدورى المصرى
وهيا دى مصر
يلا ربنا يستر علينا
ميرسى

3/ لما تشوف اللعيب طوال المبارة بيمسح مناخيروا بالفانيله يبقى اكيد انت بتتفرج على الدوري المصري

هههههههههههههههههه فعلا يانسمه اهو كل اللى قولتيه كوم والموضوع ده اكتر حاجه بترفزنى المفروض قبل مينزلوا يجيبوا علبه كلينيكس معاهم وخلاص
وفى حاجه كمان ان اغلب المعلقين يظهر كبروا فى السن وخاااصه محمود بكر تلاقيه بيغير فى اسماء اللاعيبه كده لا ويبقى واثق اووى من نفسه وهو بيقول الاسم
تسلم ايديكى يانسمه ويعنى اشمعنى الكره اللى هنبقى كويسين فيها

ميدو016 كتب:

بجد هو دة الدورى المصرى
وهيا دى مصر
يلا ربنا يستر علينا
ميرسى

نونا كتب:

3/ لما تشوف اللعيب طوال المبارة بيمسح مناخيروا بالفانيله يبقى اكيد انت بتتفرج على الدوري المصري

هههههههههههههههههه فعلا يانسمه اهو كل اللى قولتيه كوم والموضوع ده اكتر حاجه بترفزنى المفروض قبل مينزلوا يجيبوا علبه كلينيكس معاهم وخلاص
وفى حاجه كمان ان اغلب المعلقين يظهر كبروا فى السن وخاااصه محمود بكر تلاقيه بيغير فى اسماء اللاعيبه كده لا ويبقى واثق اووى من نفسه وهو بيقول الاسم
تسلم ايديكى يانسمه ويعنى اشمعنى الكره اللى هنبقى كويسين فيها

هههههههههههههههههههههههههههههههه
تسلم ايديك يانسمة
كلام كلة صح