دردشة حب من هعيش حياتى

[ندعوك للتسجيل في المنتدى أو التعريف بنفسك لمعاينة هذا الرابط]
--------------------------------------------------------------------------------

كلام فى الحب
متردده في اختيار شريك حياتك ومش عارفه هو مناسب ولاّ لأ ؟؟؟

حاسه إن فيه شروخ في علاقتك مع حبيبك ؟؟

بتحسي ساعات إنه مش فاهمك وإنتي مش فاهماه؟؟

الحب ..
هو أقوى عاطفة إنسانية على الإطلاق.. مفيش حد يقدر ينكر طبعا

بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب

وبيقولوا إنك لو حبيت حد مش مناسب فلازم تضحي علشانه مهما كان حجم التضحية

لأن كلما زادت التضحية كان ده
دليل أقوى على الحب

الكلام ده صح ؟؟

الإجابة هي: طبعا لأ

الكلام ده مش صحيح

...لأن فيه قواعد وضعها الباحثين وخبراء العلاقات الإنسانية لكي تنجح أي علاقة

فيه حكمة أمريكية شهيرة بتقول: مفيش أي شيء مؤكد في حياتنا غير

الموت والضرايب

وأضاف م."مونو":.......... ... والإحباط
من كتاب
(Relationships Rescue)

وبالطبع الحقيقه التي فوق كل حقيقه هي.. الله

الإحباط فعلا شيء مؤكد في حياتنا كلها ولازم نتعامل معاه

احباط في العمل مثلا.. في الدراسة.. في البيت.. في الشارع

وأكيد طبعا.. هتلاقي إحباط.. في الحب

لما بنحب بنلاقي كل حاجة حلوة.. الدنيا ربيع والجو بديع والعصافير

بتصوصو حواليك ومفيش أي مشاكل في الحياة.. كله رائع وجميل..

لكن هل الحالة دى بتستمر ..؟؟

طيب.. علشان نعرف إيه هو الموضوع لازم نتكلم عن مراحل الحب

المرحلة الأولى: مرحلة الانبهار

في المرحلة دي بتكون العلاقة لسه في أولها.. لسه عارفين بعض والكيوبيد

لسه رامي سهمه في قلوبنا

و بتشوفي الشخص اللي بتحبيه على إنه

ظريف ودمه خفيف وبتبقى سعيده وإنتي معاه وكده يعني

باختصار: بتحسى إنه كامل

والمرحلة دي هي اللي أنتجت كل قصائد الحب والأغاني في التاريخ
الإنساني.. لأنها -زي ما احنا عارفين كلنا- أروع ما في العلاقات
الإنسانية

المرحلة التانية: الاكتشاف

دخلنا بقي في الجد

هي مرحلة إنكوا تعرفوا بعض أكتر

بمرور الوقت هتكتشفى إن الشخص اللي بتحبيه مش كامل زي ما كنتي فاكره

هتكتشفي فيه عيوب وحاجات ماكنتيش تعرفيها.. ويمكن حاجات بتضايقك كمان

هل ده طبيعى ؟؟

الاجابة: طبيعى تماما.. ولما تلاقي ده بيحصل اعرفي إنك صح

في المرحلة دي بتختفي الصورة المزيفة الي كنتي شايفاها في مرحلة

الانبهار.. هتشوفي الشخص ده على طبيعته وفي الوقت ده تقدري تقرري

كيف نتعامل مع هذه الاختلافات؟؟

فيه جملة مشهورة جدا بيقولها المحبين في المرحلة دي

احنا علشان بنحب بعض.. هنتغير احنا الاتنين

هل ده صح ؟؟

الباحثين بيقولوا: غلط

لان لنجاح أي علاقة، لازم تحترم اختلاف الآخر وماتحاولش تغيره مطلقا

حاول تتعايش مع الاختلاف وتوضح له
اللي بيضايقك.. بس

في المرحلة دي تأكدي من إنك عرفتي الاختلافات اللي في الشخص ده كويس

واسألي نفسك: هل لسه بتحبيه رغم الاختلافات دي؟

هل قادره تتعايشى مع الاختلافات دي؟؟

هل هيحصل صدام بسبب الاختلافات دي؟؟

هل الصفة دي جزء من هويته وتكوينه؟

طبعا فيه تضحيات في الحب..
لكن أيه حدود التضحية دى ؟؟

كل واحد فينا عنده هويّة شخصية.. هي اللي بتحسسه بالثقة والإحساس

بذاته.. ومن غيرها يفقد تقديره لذاته

إنت بتنظر لنفسك ازاي؟؟

انت مين؟

إيه صفاتك؟

كل واحد فينا عنده ثوابته ومبادئه أيا كانت... دينية، اجتماعية
ثقافية
حاجات ماينفعش تتغير فيه

واحد ملتزم (هويته): القرب من الله هو طريق السعادة

واحد متحرر (هويته): لا زم أنبسط قدر الإمكان.. بكره الزعل

واحد مصلح (هويته): هدفي أصلح البلد

وكده يعني

كل واحد له هويته اللي بتحدد نمط حياته

لان الاختلاف طبيعي بين أي اتنين بينهم علاقة.. بس أهم حاجة
الهويات دي ماتكونش متضاربة

يعني ضحي بأي حاجة إلا هويتك.. لو حد منكم ضحى بهويته هيتعب ومش هيقدر
يكمل

لكن لو مثلا هو بيحب الكورة - انتي بتحبي الموسيقى

هو بيحب القراءة قبل النوم - انتي بتحبي الفرجة على التليفزيون
هو بيحب المحشي - انتي بتحبي الريجيم
دي حاجات مش في صميم الهوية الشخصية للواحد .. كلها حاجات ممكن
يوجد لها حل وسط

لكن ماتحاوليش أبدا تغيري الشخص الي بتحبه زي ما قلنا.. ماتجبرهاش تحب

الكورة مثلا.. ماتجبريهوش يبطل قراءة ويتفرج على التليفزيون

أي حلول وسط زي: إنتي تتفرجي على التليفزيون وهو قاعد جنبك يقرا!! بس
كده

نجاح العلاقة بيعتمد على إن: كل واحد يقبل التاني زي ما هو من غير مايسعى لتغييره

او الحب الغير مشروط the unconditional loveوهو ده الي بيسموه

أي خلاف بينك وبين حبيبك ممكن تتعايشي

معاها.. إلا لو اختلاف في الهوية

.......
ما أهم قيمة في حياتك؟؟

جميل.. لا تتنازلي عنها إذن

حافظ على هويّتك وماتضحيش بيها واسأل نفسك: لو ماغيرتش هويتي .. هل هتستمر العلاقة؟؟

لو إجابتك هي: نعم

يبقى ألف مبروك مقدما

وابقوا اعزمونا على الفرح

يادردشاتك يااحمد والله توبيك جاااااااااااااااااامد اووى وانت كده يعتبر رديت على اسئله كتير كانت فى دماغى ميرسييي ياقمر

الف شكر ليكى يانونا
والحمدلله ان التوبيك نفعك وحللك اجابات اسئلتك
تسلم ايديك ومنورنى ومنورة المنتدى

مش عارفه اقولك ايه بس بجدتوبيك جامد اوي
يسلمووووووووووووا ايديك
[ندعوك للتسجيل في المنتدى أو التعريف بنفسك لمعاينة هذا الرابط]

هو بجد توبيك جميل اوى بس عندى ملاحظة لو تقبلها منى انت لو بتحب واحدة بجد وفى حاجة انت بتعملها بضايقها
انت من جواك بتحاول ترضيها صدقنى انت لما تحب حد بتبقى مستعد تعمل اى حاجة عشانه صحيح ان مفيش حجات الواحد ميقدرش يغيرها بس مفيش حد بيفضل على حاله كلنا بنتغير كل حاجة بتتغير حولينا اشمعنا احنا الى مش هنتغير عشان اسعد حاجة فى الدنيا وهيا الحب
بس بجد موضوع جميل اوى وياريت كلامى ميكنش ضايقك

الف شكر ليكى يادموع نورتى التوبيك
.....................
وتسلم ايديك BROKEN HEART
على الرد الرائع دة وكلامك صح نورتى التوبيك

[ندعوك للتسجيل في المنتدى أو التعريف بنفسك لمعاينة هذا الرابط]

الف شكر ليكى ياكنزى نورتى التوبيك

» لاتجعل مشاعرك ارض يداس عليها من هعيش حياتى
» اجدد صور هعيش حياتى
» هعيش حياتي ..اناااااا
» انت حياتى
» انواع الحب من هعيش حياتى