بكره اول يوم جامعه ايه رايكم نجدد النيه؟؟

نصيحة لله
بلاش ياجماعة الطلاب الجدد يدخلوا الكلية بقلب جامد من اولها بمعنى انه بلاش استهتار ويفضل طول السنة منفض وييجى ف الاخر هو عارف انه هينقل كام محاضرة ويدخل بيهم الامتحان ويجيب مقبول !!!
مش هى دى حياتنا مش هو دة طموحنا
انت لسة طال جديد بالكلية اهتم دون محاضرات متحطش الكتاب عائق امامك لان الكتب مش بتنزل الا على اخر الترم فلية تعمل مشكلة من مفيش ؟!
كمان ياريت نهتم بالابحاث وبلاش حتة اننا نفتح النت نجيب البحث ونعمله برينت وتبقى شايل الورق وانت مش عارف هو فيه اية انت كل اللى بتعمله انت بتقدم بحث مكتوب عليه اسمك علشان تخد الردجة من الدكتور وكان الله بالسر عليم !!!
بالله عليكو اللى هيعمل كدة دة ازاى يجيب امتياز او يكون امين على الامة بعد كدة ؟؟ او اصلا ازاى واحد زى دة يكون مدرس امين ع الطلبة بعد كدة ؟!
اعتقد يجب النظر الى الموضوع بجدية شوية
كمان لسة الطلبة الجدد بالكلية جايين م الثانوية يعنى طالعين من الدروس وان المدرس كان بيديهم المنهج فى 3 ورقات ملونين فمكنوش بيشيلوا هم للمواد
لا ف الكلية انسى النظام دة تماما انزل المكتبة وروح النت وابحث وعلم نفسك بنفسك متستناش حد يديك المعلومة اتعلم واغلط افضل من انك لاتغلط ولا تتعلم !
بالنسبة للبنات اللى فاكرين الكلية عرض ازياء والشباب اللى فاكرينها ساحة عرض واللى عاوز يتفرج اهو ببلاش
بلاش يكون دة هدفك من دخولك الجامعة ولا يكون ده همك انتى من دخولك الجامعة
انت كن مثالا للطالب المتميز فى سلوكياته محترم فى تعاملاته وانتى مثال للاخت الفاضلة المحترمة فى زيها فى تعاملاتها فى كل شىء
لان الجامعة مش الصورة اللى بيعرضها الاعلان دى ابدا عمر الصورة دى ماكانت اللى خرجت علماء عرب زى زويل ولا اجانب زى اينشتين
حدد هدفك تانى من دخولك الجامعة وانتى جددى نيتك من الان انك رايحة فى سبيل الله
تتعلمى وتعلمى

جزاكي الله كل خير

تسلم ايديكي
وياريت الكل يستفيد من الكلام ده حقيقي مهم جداااااااااا

[ندعوك للتسجيل في المنتدى أو التعريف بنفسك لمعاينة هذا الرابط]

جزاكى الله خيرا
وياريت الكل يستفاد من النصائح دى ويعمل بيها