سادس حلقة من القهوة جامدة جدااا

اهلا يا احلى ناس فى الدنياا

انهردى هتعود القهوة وانا استغليت

ان عضويتنا وصاحبة القهوة رنونا

مشغولة شوية فقولت انا الى هنزلهاا

لان فى موضوع انا شايف انة مهم جداا وخطير ظاهرة بدأت تنتشر فى الشارع المصرى بشكل مرعب زمان اما كان الواحد بيشوف بنت حلوة عادى ولو تطاول شوية ممكن يبصلها بصة حلوة او يعاكسها ويقول كلام حلو اما انهردى انتقلت المعاكسات والكلام الحلو دة الى الفاظ ابيحة وشتائم وتحرش فى بعض الاوقات ولمس جسم البنت بطرق كتيرجدااا
وزمان برضوا الشاب الى كان بيعاكس ماكنش بيعاكس اى حد وفى اى وقت يعنى لو بنت حلوة اة يعاكس ولو الشارع فاضى ومفهوش ناس اوك اما دلوقتى فى زحمة اكتير من الفاضى والوحشة قبل الحلوة والمحجبة اكتر من الى مش محجبة وكمان لو فى ظابط او عسكرى واقف يمكن بيتعمدوا يعملوا كدة قدامهم هل الناس معدتش بتخاف من الامن ولا دة بقى عادى ولا ناس قليلة الى بتعمل كدة وانا الى مكبر الحوار ولفت نظرى برضوا فى العيد الى فات كان التواجد الامنى على كورنيش القاهرة كبير جداا كل خمسة متر عسكرى وكل عشرة متر عسكرى مرور فى الشارع وكل عشرين متر ظابط امن وكان فى بعض المناطق الامن كان عامل جدار بشرى اكتر من ميت عسكرى مسكين ادين بعض علشان يمنعوا الناس من الوقوف فى الشارع وقطع الطريق فا التواجد الحمد الله فى المناسبات كويس جدا من الامن ولو حد قال انة ضغيف هقول انت كدة عاوز يبقى ظابط لكل مواطن ومع ذلك للاسف هيحصل تحرش انا شايف من وجهت نظرى المتواطعة ان دة ناتج عن ميل المجتمع الى الجنس يعنى كثرت الافلام الاباحية دة بيزود ميل الشباب للاغتصاب والتحرش والامور دى كلها انا هسأل اسألة كدة خفيفة اية متعت الشاب دة من عمل كدة ؟
زمان اما كان بيعاكس كانت ممكن البنت تبصلة ويظبطها يعنى اما دلوقتى هتبقى بتستحقرة ولا يمكن فى بنات بتحب دة ؟
زمان اما كنا بنشوف ناس فى الشارع ماكنش بيحصل معاكسة ولو حصلت ياويل الى عملها فيها موتة اما دلوقتى الشارع ازحم والحاجات دى كتيرة جدا واما بتحصل محدش بيدافع عن البنت دى بل بيقفوا يتفرجوا ويستمتعوا
انا عاوز اعرف رأئكم فى الحوار دة ودة نتيجة لأية ودة موضوع كبير ولا انا الى مكبرة
ومستنى اقتراحتكم عن الحلقة القادمة من القهوة