قالوا ضل راجل ولا ضل حيطه.....والله ظلمنا الحيطه

قالوا ضل راجل ولا ضل حيطه
عمرك سمعتى عن حيطه بتشخر طول الليل و متخلكيش تعرفى تنامى؟
ولا حيطه تدخل من الباب تزعق عايزه الغدا ...وبعدين يطين عيشتك علشان الملح طلع زيادة فى الباميه؟
طيب شوفتى حيطه تملا السقف دخان والارض كركبه
ولا حيطه تصحيكى من عز النوم فى نص الليل علشان معرفش ايه ولا كوبايه شاى
ولا حيطه تدوخك وراها عشان تشوفيها بيكلم مين نص الليل فى التلفون
طيب الحيطه معروف مكانها طول الليل ... انما المحروس يدوخك وراه
عشان تعرفى كان سهران فى انه دهيه؟
قال ايه عنده شغل طيب فى حيطه بتشتغل؟
ولا فى حيطه تحاول تطلعك غلطانة فى كل كلمة تقوليها عشان تثبت للعيال ان الحيطه بتفهم عنك؟
ولا حيطه تقعد تقولك ماتخرجيش بالفستان ده احسن اقطعه
ولما تطلبى منها فلوس عشان تجيبى فستان غيره يعمل ودن من طين وودن من عجين
طيب ده حتى الحيطه ليها ودان
دا حطه الحيطه مؤنثة يعنى مننا وعلينا
بزمتك مش كده احنا ظلمنا الحيطه

حلوة دى يا ميدو
تسلم ايديك

هههههههههههههههههههههههه اه فعلا طول عمر الحيطه مظلومه متقول لنفسك انت و باقى الولاد بقى

ارحموا الحيييطه المايله اللى هيا احنا


هههههههههههههههههههههههه اه فعلا طول عمر الحيطه مظلومه متقول لنفسك انت و باقى الولاد بقى ارحموا الحيييطه المايله اللى هيا احنا _________________

» حد شاف اطول راجل فى العالم 000000 انا شوفته
» قالوا عن الحب
» راجل وست ستات الموسم السابع :: بأعلى جودة
» مسلسل راجل وست ستات الموسم السادس DVBRip (( الحلقه الاولى )) متجدد باستمرار
» الى كل محبى راجل و6 ستات ومحبى رمزى (سامح حسين) مقولات رمزى