ميدان ابن طولون بالسيده زينب ( متحف جاير اندرسون "بيت الكريتليه ")
2 مشترك
كاتب الموضوع
رسالة
ميدو016 Admin
عدد المساهمات : 3063 تاريخ الميلاد : 11/05/1991 تاريخ التسجيل : 20/06/2009 العمر : 33 العمل/الترفيه : طالب المزاج : تمام
موضوع: ميدان ابن طولون بالسيده زينب ( متحف جاير اندرسون "بيت الكريتليه ") السبت يونيو 26, 2010 12:46 pm
ميدان ابن طولون بالسيده زينب حيث يقع
متحف جاير اندرسون "بيت الكريتليه "
المتحف ملاصق لاجامع احمد ابن طولون
اكيد ناس كتييييييييييير او مرة تسمع عنه
يلا باه نستكشفه احنا
المتحف دة عبارة عن بيتين كل بيت مكون من 3 ادوار
البيتين متصلين ببعض من الدور التالت
هكلمكوا شويه عن اسمه
بيت الكريتليه
احنا قولنا ان مكون من بيتين مرتبطين ببعض
البيت الاول بناه واحد اسمه الحج محمد الجزار
وباع البيت لحد ما واحدة ست جت
من جزيره كريت وعاشت فيه
وبقى معروف ببيت الست الكريتليه
البيت التانى بناه واحد اسمه عبد القادر الحداد وفى الاخر عاشت فيه واحدة اسمها امنه بنت سالم
لما دمجوا البيتين سموه بيت الكريتليه
احنا منعرفش الوقت اللى اندمج فيه البيتين مع بعض
"جاير انرسون "
دة كان اسم طبيب فى الجيش الانجليزى
وكان مهتم بالاثار خصوصا اللى فى العصر الاسلامى
ونظرا لحب الرجل فى مصر
الحكومه المصريه اديته حق الاقامه فى البيت دة
قام عم جاير اهتم بالبيت وحوله الى متحف مليان بالاثار المصريه والعربيه والاجنبيه كمان
راجل مهتم باه
وبعدين سافر لانجلترا وماخدش حاجة من البيت فتكريما ليه اتسمى
بمتحف جاير اندرسون
فى اساطير كتير ارتبط بالمتحف دة
واتعمل كتاب مخصوص لاساطيره
على سبيل المثال
الاسطوره الاولى
ان مكان البيت كان جبل اسمه جبل يشكر
وان دة المكان اللى سفينه سيدنا نوح رست فيها بعض الفيضان
وان فى جزء من المياه موجودة فى بير فى البيت
طبعا موش مصدقين
ما علينا هما صدقوا
الاسطورة التانيه
كان فى حارس للبيت اسمه الشيخ هارون الحسينى مدفون بجانب البيت على فكرة
عم هارون دة باه عمل ايه
هقولوكم الصبر
كان فى 3 حراميه عاوزين يسرقوا البيت هو باه عماهم
معرفش ازاى بس هو كدة
اخر حاجة هقؤلكم عليها
ان فى بئر فى البيت اسمه "بئر الوطاويط"
لو انت او انتى بتحبى روحى وبصى فى البير دة
هتلاقى صورة حبيبك بدل وشك
معرفش دة صح ولا لا
بس روحوا وجربوا
دة لو لاقيتوا فيه مياه اصلا
ههههههههههههههه
ولما بتروح هناك بتلاقى زى دولاب فيه اغلب الاساطير بالشكل دة
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 709x474.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 675x423.
سامعاك يالى بتقولى رغيتى كتيييييييير
حاضر هدخلكوا البيت
حولين البيت فى جنينه
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 749x515.
ديه بتوضح غرف البيت
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 740x527.
مدخل البيت
اول ما هندخل كاننا دخلنا فى دهليز ملتويه موش طريق مستقيم
علشان لو حد ماشى فى الشارع مكنش يشوف اهل البيت جوه
وهتلاقى سبيل جمبك" علشان الناس تشرب"
وديه حاجة غريبه انك تلاقيها فى البيوت المصريه
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 709x536.
بعد كدة هنلاقى صحن البيت
عبارة عن فناء واسع أقرب إلى شبه المنحرف فى شكله
تتوسطه فسقية من الرخام الأبيض
حين يمتلئ بالماء - ويتلألأ فيه وجهه القمر ليلا
غير أن ماءه الجاري يوفر ماء طاهرا يصلح للوضوء كل فى كل وقت.
أما منافع هذا الطابق الأرضي
فتتمثل في مجموعة من الحواصل التي تتوزع على جوانبه
والتي كانت تستخدم لتخزين حوائج أهل الدار من حبوب وخلافه
علشان كدةكان لها شبابيك صغيرة للتهوية
وتشغلها الآن مكاتب إدارة المتحف .
وفي خلفية الفناء إسطبل لحصان واحد .
هنطلع باه للدور الاول
محدش يقولى فى النص تعبت لان البيتين بيتكون من
42 غرفه تمام
انا نبهتكوا اهوه
اول ما نطلع السلم هندخل على حجرة المقعد
وهو مكان واسع مفتوح على صحن الدار
ليتلقى الهواء البارد في الصيف ..
ومن المقعد هنروح إلى السلاملك
وهى
قاعة الاستقبالات الخاصة بالرجال..
وهى تنقسم إلى ثلاثة أجزاء
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x683.
وكل جزء هنلاقى شباك كبير
مغطى بالمشربيات المشغولة من خشب الخرط بدقة وتفنن باهرين
وقد فرشت القاعة كلها بوسائد والكسوات المخملية
وتوزعت فى كافة أرجاء القاعة طقاطيق صغيرة من الخشب
مجموعة عتيقة من المسدسات القديمة
ترجع إلى العصر العثمانى..
وعلى قدر بدائية كل قطعة فيها كسلاح
على قدر رفعة قيمتها كقطعة فنية شغلها الصانع بمهارة يدوية وزخرفة
على بدن المسدس المعدن ومقبضه الخشبى.
وفى ركن آخر
علقت أيضا مجموعة من السيوف مختلفة الأشكال مزخرفة أيضا
وقد زخرف سقف القاعة بزخارف نباتية
بينها كتابات بخط الثلث المزخرف لبعض الأبيات الشعرية
والأقوال المأثورة منها هذا القول
"من يعشق ينبغى ألا ينام"
نماذج للأبواب فى بيت الكريتلية
توزعت فى هذه القاعة.
مجموعة من الدواليب المزخرفة الواجهات
وبها آنية وآباريق من الخزف والزجاج.. [center]سقف الغرفه الدمشقيه
غرفه الحرملك " الحريم "
وهنلاقيها جوه علشانما تنكشفش وجوههن
على أحد من المارة الغرباء.
حتى ولو حاول أحد ذلك
المشربيات من الداخل
المشربيات من الخارج وأيضا هذه المشربيات تضفى نوعا من البهجة والصفاء على قاعة الحريم
لما يتسلل من فتحاتها من ضوء صاف وهواء رائق
غير وجودها يكسر حالة الركود والملل
التى تعايشها الحريم فى الحرملك بما يتابعنه من ورائها لأحوال الشارع.
فضول المراه ورانا ورانا
وفى هذه القاعة مجموعة من المقاعد الخشبية المطعمة بالعاج
والمصفحة بالزجاج المفضفض والملون
وهى ماتعرف بالمقاعد السورية أو مقاعد العروسة
وهذا لكونها تخصص كمقعد للعروس فى حفلة زفافها..
ومن قاعة الحرملك
ندخل إلى غرفة صغيرة
وهى غرفة الكتابة والخطاطة الخاصة بأندورسون
وفى طريقنا إليها نمر على غرفة كانت مخصصة للقراءة
والآن يستغلها المتحف كقاعة لترميم مقتنيات المتحف من السجاد والمنسوجات.
ونصعد على سلم يوديناإلى سطح البيت
كان مقعد السيدات الصيفى
فعلى الرغم من أنه مكشوف
إلا أنه غطى أطرافه بمربعات كبيرة من خشب الخرط
تحسبا من فضول الناظرين.
هتقولولى كميه المشربيات ديه جت منين
ومين اللى عملها
اقؤلكم جاير اندرسون مسبش مكان الا وراحه
كان بيلمهم من الفصور المهجورة
والمهدمه
صورة مقربة لمشربيات السطح
وتوزعت القدور الكبيرة حول داير السطح
ونلمح أحواضا لغسيل الوجه ومحار علقت عليها صنابير نحاسية لطيفة
بمحابس من النحاس المشغول المفرغ.
من الأشياء الجديرة بالذكر هنا هذه المزولة الشمسية التى علقت فى أحد الأركان وهى عبارة عن قطعة من الرخام الأبيض ومنحوت عليها أرقام واشارات لتحديد المواقيت.
ونهبط بعض الدرجات لنصل إلى الغرفة الفارسية
وهى غرفة تحتوى على أثاث مصنوع من الطراز الفارسى
وهى الغرفة التى انتقاها وجهزها أندورسون لتكون غرفة نومه الخاصة
وبها سرير كبير مزخرف بطريقة التطعيم بالصدف والعاج وله درابزين دائري حول السرير وهناك دولاب خشبى به عدة شمعدانات من النحاس
ومشغول عليها زخارف بطريقة الرقش على المعدن
وهناك مجموعة لوحات زيتية لفرسان وخيول
وسرير صغير كان المرافق.
ثم ننتقل إلى الغرفة التركية
وهى التى بها صالون على الطراز التركى
والتى يرجح أن يكون هذا الصالون ملكى
لأن به مقعدا كبيرا بتاج ملكى
ومن نفائس هذه الغرفة لوحة لمحمد علي الكبير بالتصوير الزيتى
مؤرخة »1806« أى بعد توليه حكم مصر بسنة واحدة فقط.
وهناك لوحة زيتية أيضا للخديوى سعيد (1854 - 1867
فى وقت مبكر من شبابه
يبدو فيها مثل السلاطين الأتراك بالعمامة التركية الكبيرة الداكنة
والوجه المثلث الأبيض الشاحب وشارب رفيع جدا مبروم وملتو.
وتوزعت فى أرجاء الغرفة مجموعة نفيسة من القوارير والفازات من زجاج بوهيميا الذى اشتهر بجودته
وكان يهواه أعيان الشرق الاسلامى.
الغرفه الفرعونيه
وبها بعص الاثار الفرعونيه
كتمثال المله نفرتيتى
والتمثال دة تقليد بينما الاصلى يعرض فى متحف برلين بالمانيا
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 831x510.
غرفه الملكه ان
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 729x500.
اكيد حد هيسالنى ليه سموها كدة
هقؤلكم لان الاثاث اللى فى الغرفه
زى الاثاث اللى كان فى قصر الملكه ان
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 781x531.
محتويات المتحف
كفايه عليكو كدة باه
يارب يكون المكان عجبكم
واكون قدرت اشرحه كويس
وانصحكم بزيارته على الواقع المكان بجد اكتر من رااااااائع
[/center]
sama عضو فضى
عدد المساهمات : 10598 تاريخ الميلاد : 06/10/1976 تاريخ التسجيل : 20/06/2009 العمر : 48 الموقع : kanze العمل/الترفيه : حب الشعر المزاج : بحاول استعيد ثقتى بالاخرين
موضوع: رد: ميدان ابن طولون بالسيده زينب ( متحف جاير اندرسون "بيت الكريتليه ") الأحد يونيو 27, 2010 3:29 pm
جميل اووووووى مرسى يا ميدو تسلم ايديك
ميدان ابن طولون بالسيده زينب ( متحف جاير اندرسون "بيت الكريتليه ")
الرئيسية 
موضوع: ميدان ابن طولون بالسيده زينب ( متحف جاير اندرسون "بيت الكريتليه ") 
السبت يونيو 26, 2010 12:46 pm
