كوميديا يلانتجوز (تتجوزينى اتجوز

تزوجينى ........ اتزوجك............ يلابينا نتجوز

وبدون مقدمات ذهب كل من زئرد وزئرده
بعد قصه حب كبيره
وبدا يفاتحها وكان ملخص الكلام تتزوجينى

وفى جلسه صفى من بتاعت الاحبه قراروا يعملوا شى مجنون قراروا يروحوا
للعراف اسمه شمشون ورا بحر النجوم رحلوا على بساط الريح
فى سكون الليل العظيم فى ليله مقمره تملاها مشاعر وشموع الاحبه

وبدا شمشون يلعب فى بللورته السحريه
يكشف الماضى والحاضر ويوريهم حياتهم عبر البلوره وبصوت معلق
اه مش تستغربوا
اصل شمشون معندوش لسان

وبدات البلوره تظهر كلا م زئرد وزئرده مع الصوت المصاحب بالتعليق
وكان زئرد ماسك إيد زئرده (فى مشهد رومانسى رائع)
وكان المعلق على وشه ابتسامه وكانه بيقول :
ايوه ياعم نورالقمر بقى وضيه ولهيب القلوب

وفجاه بدا عرض البلوره من زمن سحيق سحيق
شافوا نفسهم هايمين

زئرد يتكلم وزئرده تسمع
والخجل يظهر على وجها

زئرد يتكلم وزئرده تستعبط
ويدوب ترد بكلمه وبصوت يادوب مسموع
وفجاه ترم تررررم دوم طخ

صوت المعلق وهوبيقول :
متصدقهاش

وبعد فتره زئرد يتكلم وزئرده بدات ترد عليه
وبان ان كيبويد خلاص خلص العمليه

وفجاه صوت المعلق من بعيد :
ماتصدقووووووووووووش

وهوبيقول عايزين شجره واتنين ليمون للحبيبه هنا
وقبل مايسالوا ليه
قالهم الليمون يبرد القلب وشجره ترسم عليها قلب وسهم وحرفين

وصرخ المعلق وهوبيقول :
ماتصدقوووووووووووووش

وفجاه ظهر على البللوره المرحله اللى بعد كده
ودبل الخطوبه واتفاقيات الاهل
وخناق وكلام وحب ومشاعر

وهويفوت ويراضى فيها والاتنين ماشين بمبدا هويفوت وانا فوت
ويسمعها الكلام الحلو والاتنين مايشفوش بعض
الا وهما فى غايه الجمال واللبس الرائع وكل واحد راسم بسمه وهدايا جيه وهدايا رايحه

وبحبك بتحبينى؟
بحبك وانت نور عينى
واكلها معاك ولولقمه ناشفه وشغل كمنجات وعصافير بتزقزق
وخناق وفراق وعذاب وحنين
والراجل هادى وراسى وحنين على الاخر

وجه صوت المعلق وهوبيقول :
متصدقهوووووووووووووووش

وشويه والجواز
واتعرض فى البلوره المشاهد وراء بعض

المشهد الاول
ضحك ولعب وحب وهيام والدنيا بمبى(وده مش كتير)

المشهد التانى
صوت زئرده بدا يعلى وزئرد تخلى عن صبره
وهى تقول امك
وهويقول امك انتى
ومصالحه وخناق وصوت عالى

المشهد التالت
حامل وولاده
الواد بيعيط
زئرد بيقولها : قومى انتى وابنك من هنا
عايز انام فين الاكل البيت يقرف
انت فاكره نفسك ست
شوفى الستات اللى فى التليفزيون ولااللى فى الشغل

وزئرده تعيط وتصرخ وهى بتقول :
الله يرحم ماكنت بتحايل وتبوس الايد عشان كلمه رضا ولاابتسامه

زئرد كنت اهبل والباب بيترزع ويبنقفل ترررررررررررررررم

المشهد الرابع
زئرده ولا شيتا فى زمانها
وبقى العرض منها عرضين
وتقول فيله

وزئرد بكرش
والاتنين مقضينها تبعا للمقوله
قضيها الناس للبعضيها وشكلهم بقى كئيب
ولااللى عندهم ستين سنه وريحه البصل والصوت العالى والصريخ
الله يرحم الموسيقى والشاعريه

بالمناسبه هى الشعريه بكام دلوقتى؟

وفجاه النور نور
وسكتت البلوره العجيبه عن العرض المباح
لقى عمنا شمشون
ايد زئرد مش فى ايدها
والاتنين بيبصوا للبعض

وسمع المعلق وهوبيقول :
متخضووووووووووووووش
دوام الحال من المحال

دنيا حى ده يابنى مصيرك ومصيرها المحتوم
ولابد تعبر جبال وبحور وتشق ظلام الكون وترضى بنصيبك اللى اكيد هيصيبك

الحب تفاهم وتجانس وحبك على بنيته على الجمال
ولاعلى المال ولاطمعان ولامرايتك كانت عميه ولابعين واحده هومصيرك المحتوم

ماهويابنى الحب مش كلمه ورسمه تترسم على الشجر
مش كلمه حلوه وبس بين اتنين ده مسئوليه وكلمه وحنيه وعهد وامان

تعرفوا شمشون ليه مابيتكلمش
اصله كان متجوز ونتيجه للجواز كان فى اول المعرفه كان هو بتكلم وهى بتسمع
وبعدين بقيت هى تكلم وهويسمع وبعد شويه بقوا هما الاتنين يتكلموا وأمه لااله الاالله تسمع
وبعدها بشويه قرورا الاتنين يقطعوا لسانهم
افضل للدنيا والدين والانسانيه
ــــــــــــــــــــــــــــــــــــــــــــــــــــــــــــــــ
متخضو ووووووووووووووووووووووووش
وسلمولولى على كيوبيد
ــــــــــــــــــــــــــــــــــــــــــ
النهايه
ـــــــــــــــ
انتاج الجواز على الطريقه فى العصر الحديث
ـــــــــــــــــــــــــــــــــــــــــــــــــــــــــــــــــــ
حقوق الطبع والنشر محفوظه © 2003
محاسب محمد حامد