وصول تانى مشكلة للادارة وعوزين تسعدوا بحلها

السلام عليكم ورحمة الله وبركاته

وصل للادارة المشكلة التانية وعوزين تسعدوا العضوة فى حلها

أنا هاعرض عليكم المشكلة وياريت اللي عنده حل يقولوا وهخليها تقراه بنفسها

الحكاية انها بتحب واحد كان معاها في الكلية وهو بيحبها وكانوا كويسين جدا مع بعض

وعلي طول بيطمن عليها وهي بتطمن عليه وكله

والاهل عنده وعندها عارفين الموضوع بس هو كان عنده ظروف خاصة علشان كدة اتأجلت

الخطوبة

المهم جيه من فترة كان مسافر وهي كانت بتتصل تسأل عليه علي طول

كل يوم مش بتفوت يوم وبعد كدة حست انه من ساعة ماسافر مابيتصلش بيها خالص

هي اللي بتتصل بيه علي طول سبتة شوية لحد مايتصل بيها

سابته 4 أيام ماتكلمش فاتصلت هي بيه قعد بقي يقولها ان المكان اللي فيه طبعا مافهوش

تليفون ارضي

وانه من ساعت ماسافر مش بيخرج بره القرية علشان يشحن ( أنا مش مقتنع طبعا بالكلام ده )

المهم هي كمان ماقتنعتش وجت من عند ربنا انها تعبت شوية وماكنتش قادرة انها تتكلم

فسابته من غير ماتكلمه 4 أيام كمان وهو اللي اتصل بيها علشان يقوللها انه رجع القاهرة

مع العلم انه مسافر يصيف مش شغل ولا حاجة

ومن ساعة مارجع هنا مش بيسأل عليها خالص خالص

وكمان حاسة انه متغير وفيه حاجة

هي برضه اللي بتكلمه علي طول ومهما قعدت مثلا يومين او ثلاثة ماتكلموش بترجع وتكلمه

وبعدين قالت انها لازم تقعد معاه وجها لوجه علشان يشوفوا حل

طبعا الباشا طلع ماعندوش اجازة في الشغل بتاعه

مع العلم انه ممكن مثلا يرجع من الشغل وينزل تاني يقعد مع اصحابه ولا يروح فرح حد لو رجع

تعبان مش بيروح الشغل بتاعه

وبعدين هي اعصابها تعبت واتكلمت معاه بعصبية شوية قالها اهدي ونبقي نتكلم

الكلام ده من حوالي يومين

من ساعتها بتتصل بيه مش بيرد عليها

ياريت اللي عنده حل يقوله

اسف للاطالة

اولا ميرسى ليك يا ميدو
وانا بقول لاءختى سيبك منة ولا تعبرية تانى
انتى كدة عملتى اللى عليكى وزيادة
وبيقول مش عارف يطلع برة القرية عشان يشحن
ممكن يخلى اى حد من اهلة يحولولو رصيد
اللى عيز يكلم حبيبو بيعمل المستحيل عشان يسمع صوتة
وانتى خلاص متكلمهوش تانى واوعى ترخصى نفسك اكتر من كدة
كرمتك وكبرياءك فوق اى حد
وانا لو مطرحك هعمل كدة
واللى يبيعك بعية حتى لو كانت روحك فية
ودى راءى انا ولو انا مكانك هعمل كدة
وميرسى على الاطالة
والقرار اليكى انتى
ربنا يوفقك ويسعدك يارب

الموضوع اهو متفسر وواضح هو كان بيلعب وبس ولما الموضوع دخل فى الجد وخطوبه خلع انا بقول زى رانونا سيبيك منه وهو مش اخر واحد يعنى فى الكون وان شاء الله تلاقى احسن منه وميرسيي ياميدو على الطرح وربنا يهديها للصواب وانا عارفه انه صعب عليها بس للاسف تتجرح بايديها وتنهى العلاقه احسن مهو اللى يجرحها وهو اللى ينهى العلاقه وصول تانى مشكلة للادارة وعوزين تسعدوا بحلها 598575

وصول تانى مشكلة للادارة وعوزين تسعدوا بحلها 598575

لاانا رايي انها مش تكلمه ولا تسال فيه خاااااااااااااااالص ولو فعلا بيحبها ومش يقدر يعيش من غيرهااا هيرجعلهااا وهيعرف قيمتها كمان لو مش بيحبها مش هيحس ان في حاجه غاليه عليه بضيع منه لان الحب بجد اسمي من كده بكتير بس المفرووض انتي مش تكلميه خاالص ولا تسالي عليه ابداا هيكون صعب عليكي شويه بس اللي يبعنا بنبيعه لا نزعل عليه معلش يا حبيبتي خاليكي غاليه عشان تفضلي غاليه العمر كله عنده لو في نصيب ويااااااااااااارب يسعدك ويوفقك

وصول تانى مشكلة للادارة وعوزين تسعدوا بحلها 163

وصول تانى مشكلة للادارة وعوزين تسعدوا بحلها 163

وصول تانى مشكلة للادارة وعوزين تسعدوا بحلها 165

اولا كل الكلام اللى اتقال قبلى من الاعضاء كلة صح
لانة فعلا بيلعب بيها واكيد مش بيحبها وهى حرام عليها تفضل معاه لانها بجد كدة بتظلم نفسها
لانة انسان بجد مش يستاهل حبها دة كلة كدب عليها ولعب بيها وترجع تتصل بية وهو مش مقدر دة
لا بجد تبعد عنة معلش هى هتتعذب شوية بس اكيد هترتاح بعد كدة وانا متاكد انها مش هتنساة
بسهولة الموضوع هياخد وقت كبير بس اكيد هتنساة وان شاء الله ربنا يكرمها باحسن منة

راى انها مش تتصل بيه تانى ولا تعبره
ولو بيحبها بجد لما تبعد عنه هيحس بيقمتها
لان فى ناس مش بتحس بقيمه الحاجه اللى معاها الا بعد ماتبعد عنها
لكن لو متصلش ولا سأل تنساه احسن
هيبقى صعب عليها بس تحاول
وربنا يوقفها ويسعدها

انا مع كل الاعضاء
هو ظاهر انه كان بيتسلى
بس اسمحلى
هى اللى اعطته الفرصه لكدة
كان من اول ما اهمل الاتصال بيها
واعطى حجج بانه لايوجد اتصالات فى المكان الذى بيه
كان لابد انها تتاكدة انه انسان لا يقدر المسؤليه
وانسان غير جاد
وكان لازم تبعد عنه
انا انصحها انها تتعلم من التجربه
وتاخذ منها درس
وتتاكد ان اكيد
هتلاقى الانسان الذى يقدر حبها
ودة راى

فعلا انا رأى مع رأى الاعضاء

دى اسمها تسليه مش حب

وفيه حاجه مهمه اى بنت لازم تكون عارفها

انها لاتظهر حبها وشوقها ولفهتها الا لمن

تكون واثقه من اخلاصه لها
وتبادله نفس مشاعرها

فى البداية انا بشكرك يا ميدو وانا رايى زى باقى الاعضاء ان هى ما تكلمهوش تاااااااااااانى خااااااااالص وانا رايى ان هى اللى تتحكم فى مشاعرها احسن من ان هو اللى يتحكم فيها بمعنى انها توقف العلاقة دى بنفسها احسن من انو معلقهكدة وربنا يصبرك مع ان انا شايفة انك المفروض تنسية خالص لان مجرد تفكيرك فية انة لية مكان فى قلبك انسييييييييييييييةا

ما اصعب الجرح

من الواضح ان الحكاية فيها(واحدة ست) بس ما علينا ربنا يجحمه مطرح ماهو قاعدوالبنوتة الغلبانة دى هى الضحية وخدت ياعينى خذوق وطبعا هى اكيد مش قادرة متكلموش لان حبها ليه كان حقيقي بس الحل دلوقت فايديها لازم تيجي على نفسها وتقوى على جرحها عشان الجرح ميكسرهاش وتدوس على الماضى بالجذمة القديمة وتبص للى جاى لانه اكيد هيبقى احسن ان شاء الله

» وصل ثالث مشكلة للقهوة نرجوا ابداء الرأي
» تم وصول المشكلة الرابعة للقهوة ونتمنى ابدأ رأيكم
» اهزم الحب بحب تانى
» ليه دايما بنقول مش هحب تانى!!!!!!
» تانى حلقة من حلقات القهوة