تم وصول المشكلة الرابعة للقهوة ونتمنى ابدأ رأيكم

السلام عليكم
تم وصول المشكلة الرابعة
الى قهوتنا قهوة كنزى
واتمنى تساعدونا فى حلها

المشكلة

واحدة بتحب واحد وهو
كمان بيحبها اوى بس المشكله مش بيقول ليها اى كلام حلو ولما تتدايق وتقوله ليه يقولها الحب مش بالكلام هيه عارفه ان الحب مش بالكلام بس عاوزه تحس بحبه ليها
رغم كده هيه بردوا مش بتقوله كلام حلو لان بطبيعه البنت بتتكسف بس هو مش بيقدر كده
وبطبيعه الحال الولد هو اللى بيقول وبيبدأ بالكلام
انتو شايفين ان وجهه نظره صح لما بيقول ان الحب مش بالكلام؟؟؟
هيه عاوزه حل للمشكله دى لانها بتعانى منها اوى ومكسوفه تتكلم معاه فيها ومش عارفه تعمل ايه عشان تخليه ينطق
اتمنى اشوف رأيكم

انا راى قد يكون مختلف
الحب مش كلام الحب افعال وتصرفات
ومدام هو وهى بيعملوا اللى يثبت لكل منهم
انه بيحب التانى
مش شرط الكلام
اسمى معانى الحب الاحساس
وارقى انواع الحب الحياء
الكلام فى الحب كتير وسهل
انما التعبير عن الحب بالافعال صعب

فعلا عندك حق كتير يا سما

الحب افعال من خلالها الواحده تعرف اقد ايه قيمتها عند حبيبها

بس بردوا لازم يكون فيه كلام حلو ورومانسى

وراى بصراحه انها تبتدى الاول وتقوله كلام حلو

وتشجعه انه يقولها كلام حلو كمان بطريقه غير مباشره

لان الكلام الجميل بين الاحباب يزيد المحبه ويجعل للحياه بهجه
ونشوه

انا راى زيكم الحب مش بالكلام الحب احساس وشعور
ضحية وفداء ولازم تعمل اى حاجة
تحسس وتباين للانسان دة انك بتحبة مش بالكلام
بالافعال
دة راى ومستنى اسمع الاراء وان شاء الله نوصل للصح

اكييييييييييييييد طبعا الحب مش بالكلام بس انا مع راى هانى فعلا لازم يكون برضه فى كلام مش برود كده بس برضه ازاى هى هتبدا بالكلام زى مفهمت انها بتتكسف هى كمان وبعدين مين اللى يبدا الولد ولا البنت على العموم بتمنالها التوفيق وربنا يهديها للصح

الحب ليه طرق كتيره وكل واحد وليه طرقته ليبين حبه للطرف التاني وانا من اعتقادي بدل شخصية حبيبها كده هي تبدأ معاه وتقاوم كسوفها وتقوله واكيد في يوم من الايام هيقلدها اذا شاف هي حابه كده

انا طبعا متفقة معاكم ان الحب موش بالكلام الحب بالافعال او باى اثبات تانى بس انا شايفة من الكلام ان هو شخص جاد جدا وهى علطول بتطلب الكلام فى الحب ودى مستقبلا هتكون مشكلة بينهم فهى تحاول تتغاضة عن الكلام وتخليها فى الافعال ومافيش حد كامل ويكفى انة بيحبك وربنااااااا يوفقك

ميدو ......

انا مش عارف بصراحه اقول ايه ....

لكن انا هحاول ابسط الموضوع عليا اجزئه وافصصه شويه عشان نوصل لحل ....

اولا لو هي فعلا بتحبه وهو بيحبها يبقي الحب وكالعاده الحب تفاهم ومش بالكلام فعلا لكن ساعات الواحد بيحب انوا يحس من الي بيحبه رايوا او كلمه تخليه يثق في نفسه اكتر ودي مش المفروض انها تتعمل مشكله

لان ده شئ بيتحس مش بنتعلمه

وطبعا الكسوف والخجل مطلوب لكن انا اعتقد ان في بنات كتير اوي ولو عن طريق المجتمع الي هي عايشه فيه بتكون متقدرش انها تبدا بالكلام لكن المشاعر الحساسه جدا والمرهفه بتطغي علي شئ زي الخجل مادام فيه حدود وخطوط حمراء لازم تحدد اي علاقه ممكن شويه لانجاحها وتكون سليمه

لكن عي عن تجربه الكلام بالاحاسيس

وتعرفوا انا من افشل الناس في الشئ ده

هههههههههههههههههههه

nowhy

مش معنى ان الحب مش بالكلام انك متقولهاش اى كلمة حلوة هى دايما بتحتاج دة ولازم يتغير عشانها مدام بيحبها لان مفيش بنت فالدنيا تقدر تستحمل دة ولو قدرت تتحمل هيكون ليها طاقة وفيوم من الايام الطاقة دى هتنفذ ومش هتقدر تكمل وهتكون ساعتها معذورة لانه بالطريقة دى بيقلل حبه جواها من غير مايحس اتمنى انها تتخذ معاه موقف حازم لان المشكلة دى خطيرة وانا اعرف شخصيا ناس اتفرقو بسببها..... وانا مش بقول انها تقوله بصراحة لانها فعلا حاجة تكسف لكن على الاقل تلمح

» وصل ثالث مشكلة للقهوة نرجوا ابداء الرأي
» وصول تانى مشكلة للادارة وعوزين تسعدوا بحلها
» وصول بعثتي البرتغال وهولندا إلى جوهانسبرج
» اية رأيكم فى الاستيل دة؟
» اية رأيكم فى الاستيل دة وبصراحة ؟