النهارده بنتكلم عن السعادة
بس في حياة حد معين
الحد ده هو المواطن المصري
أو كما يجب أن يقال المواطن المطحون
ينطبق عليه هذا اللقب لما يراه من خلاط يضرب فيه يوميا ودوامه لا يخرج منها
إلا في ميعاد إنصرافه من العمل
وينطلق منها لدوامه أكبر تسمي المواصلات
طيب خلينا نشوف السعاده في حياته
وإمتي بيفرح
وهنشوف
إمتي بيفرح المواطن المصري؟!
لما يلاقي ميكروباص فيه مكان فاضي
تبقي سعاده
لما يلاقي الأتوبيس اللي هيروحه جه مش مهم فاضي ولا مليان المهم يركب ويروح
تبقي سعاده
لما يصحي الصبح يلاقي فيه ميه في الحنفية
لما يلاقي المترو جه بعد تأخير كثييييييييييييييير بس المهم أهو جه
لما فريقه بيكسب مش مهم كسبان أيه من ده بس المهم أنسي النكد شوية
لما يسمع كلمه حلوه تهون عليا مصايب الحياه
لما ألاقي عيش في الفرن
لما فاتورة الكهرباء تيجي أقل من 80 جنيه
لما فاتورة الغاز تيجي أقل من 15 جنيه
لما النور ييجي بعد إنقطااااااااااااااااااااااااااااااااع المهم أهو جه
لما الميه تيجي بعد 3 أيام مش مهم أهي المهم جت بالسلامه
لمايلاقي عروض في المحلات أرخص شوية
لما يفتح الجرايد يلاقي في علاوة
لمايجيب بطيخة ويفتحهايلاقي طعمها حلو
مش مهم محقون المهم طعمها حلو
لما كيلو المانجو يشوفو ب 4 جنيه
لما يركب في المواصلات ويلاقي كوبري 6 أكتوبر سالك
لمايمشي ويلاقي الإشارة خضرا
لمايكون راكن صف تاني
والعربية ماتأخدش كلابش
لما يجي أخر الشهريلاقي المرتب كامل
لما يتفرج علي فيلم ويسمع افشه حلوه
ولو للمره المليون أهو ينسي الواحد الهم
لمايقلب علبة السجاير فوق وتحت مالاقيش
ومره واحده يلاقي سيجاره في أوضة النوم تقولش لقي كنز يلا ربنا يهدي!!
لما تكون مسجون ومره واحده تظهر براءتك
( كفارة ياعم )
نكتة حلوة أو بايخة في قاعدة مزاج
كفاية لغاية هنا
كل دي حاجات تفرح المواطن المطحون -
قصدي المصري - في حياته
عارفين كل دي حقوق عادية
لأي مواطن في العالم تخيلوا
يعني المواطن المصري بيفرح لما بيحصل علي أبسط حقوقه كبني أدم أو بشر يعيش علي هذا الكوكب
لا يطالب بيها ولا عايز اكتر من كده عايز ابسط حقوقه في الحياه
يعني لا عايز مال قارون ولا ملك الجان
عايزيحس بس إنه إنسان!!!
!!!
تحية حب للمواطن المطحوووون
الرئيسية 
موضوع: امتي المصري بيفرح 
الثلاثاء نوفمبر 03, 2009 11:47 pm
